Hazten prestakuntza-zentroetan, La Salleren gainerako obrekin partekatzen dugun ITB (Ikaskuntzako Testuinguru Berria) metodologian sakontzen jarraitzen dugu. Gore interesa da ikaskuntzak esanguratsuak izatea eta ikastetxeetara joaten diren pertsonen aniztasunera egokitzea.
Oraingo honetan, lankidetza-proiektu bat garatu dugu Jatetxeko eta Tabernako aurretiko ikastaroko ikasleekin. Azken ebaluaziorako ariketa puntuagarri gisa, taldeak praktika bat garatu du 10 egunetan, eta, bertan, ikasturtean cesar eskuratutako ezagutza eta gaitasun guztiak hedatu behar izan ditu. Erronka: 18 lagunentzako benetako zerbitzua diseinatzea eta eskaintzea.
Egunero, taldeak bilera egin du planifikatzeko, eztabaidatzeko, banatzeko eta zereginak garatzeko eta gainbegiratzeko. Hainbat gai ebatzi ditu, hala nola, hainbat elikadura-premiarekin bat datozen menuak, egosteko metodoak, hornidurak, minuta eta zerbitzuari eta janzkerari buruzko alderdiak. Irakasle-taldeak gainbegiratuta, xehetasun guztiak zuzendu dira, probaren egunera iritsi arte.
Emaitza zerbitzu aparta izan da, eta ezagutza teorikoak eta praktikoak islatzeaz gain, hainbat gaitasunetan Aurrera egin dela ikusten da, hala nola komunikazioan, asertibitatean, talde-lanean, antolaketan edo gatazken ebazpenean, besteak beste.
Ez dugu ahazten sortutako giro ona eta parte-hartzaileek adierazitako gogobetetze handia. Are gehiago, esperientzia horrekin distira berezia hartzen du gure ikastetxeetako idatzi gabeko tradizioak, zeinaren arabera, amaierako azterketak igaro ondoren, ikastaroak ospakizun batekin ixten baitira.