Elkarbanatuz elkarteko Gizarteratze arloa gure zerbitzuetako erabiltzaileen gizarte-beharrizanei estaldura eraginkorra eta globala eskaintzeko xedearekin sortu zen. Hartara, diziplina anitzetatik ekiten zaio gaiari, eta ikuspegi integrala dugu hizpide.
Erabiltzailearen beharrizan eta eskaeretan oinarritutako banan-banako laguntza-prozesuaren bitartez, pertsona horrek bere bizi-kalitatea hobetzeko behar duen laguntza instrumentala, emozionala, hezitzailea eta finantzarioa eskaintzen dugu, betiere interesdunaren parte-hartze eta inplikazioarekin.
Gizarteratze-beharrizan ezberdinak artatzen ditugu, horretarako lana ondo programatuz eta erakundeak eskaintzen dituen gainerako zerbitzuekin koordinatuz.
Banakoek, familiek edo taldeek behar duten laguntza psikosozialarekin eta/edo psikohezitzailearekin zerikusia duten prestazio guztiez arduratzen den zerbitzua da.
Prestazio horiek erabiltzaileek beren emozio eta jarreretan dituzten zailtasunei aurre egiteko orientabidea ematera bideratuta daude, baita gizarteratze-ibilbide soziopertsonalean zailtasunak eragiten ari diren adimen-arazoei aurre egiteko ere.
Laguntza psikosozialeko saioetan honako hauek lantzen dira, besteak beste: laguntza emozionala, autokontrola eta emozioen kudeaketa egokia, laguntza depresio- edo antsietate-kasuetan, laguntza eta babesa adimen-gaixotasun kasuetan, etab. Horrez gain, interesdunen eskaerei ere erantzuten diegu, edozein arazo pertsonal, familiar edo sozialen aurrean laguntza emozionala emateko.
Eguneko egoitza-zerbitzuak osatzen dituzten egoitzetan edo beren etxeetan dauden erabiltzaileei arreta emateaz arduratzen da zerbitzu hau. Zehazki, komunitatean autonomia eta parte-hartze handiagoa izateko laguntza behar duten erabiltzaileei dago zuzenduta.
Zerbitzu horretan erabiltzaile bakoitzaren beharrizanekin bat datozen laguntza-, babes- eta orientabide-ekintzak eskaintzen dira, modu horretan erabiltzaileak gizarteratze-prozesu soziopertsonalean lagungarriak izango zaizkion ohiturak, jokabideak eta jarrerak bereganatu eta mantendu ditzan.
Laguntzailea:
