Jarraipen Ekonomikoaren eta Pertsonen Kudeaketaren Arloak erakundearen iraunkortasun ekonomikoa eta finantzarioa bermatzeko euskarri teknikoa eskaintzen du. Lantaldeetako langileen beharrei erantzuten die, eta baliabideak eraginkortasunez kudeatzen ditu, kudeaketa etiko eta arduratsuko estiloarekin, gardentasunez eta auditoria sozialeko irizpideen arabera. Era berean, ingurumen-kontzientzia sustatzeaz arduratzen da, kontsumo arduratsuko eta baliabideak birziklatzeko politika baten bidez, eta kalitate-prozesuak eta etengabeko hobekuntza-prozesuak gidatzen ditu.
Pertsonen Kudeaketako prozesu integratu baten bidez, langileen beharrei erantzuten die eta haien giza garapena eta garapen profesionala zaintzen ditu, jardun-protokoloak eta irizpide etikoak eta eraginkortasunekoak kontuan hartuta.
Halaber, baliabide materialak eraginkortasunez administratzeaz arduratzen da, erakundearen misioarekin eta balioekin bat etorriz. Ildo beretik, kontsumo arduratsua sustatzen du, ingurumen-irizpideak integratuz eta enpresa hornitzaileekin harreman horizontalak eta lankidetzakoak ezarriz.
Kudeaketa etiko eta arduratsuaren alde lan egiten dugu, egoera ekonomiko eta finantzario orekatu baterantz.
Elkarbanatuz elkarteak auditoriak egiten ditu aldizka, etengabeko hobekuntza-prozesuen garapena eta ezarpena errazteko, eta, gainera, elkarte-proiektuaren seriotasuna eta sendotasuna bermatzeko tresna gisa balio du.
Urteak daramatzagu gure kudeaketa-sistema ezartzen eta garatzen, etengabeko hobekuntzako eredu egiaztatuen arabera. Ibilbide horren ondorioz, 2023an Euskaliten Brontzezko A aintzatespena.
Era berean, 2024tik Aragoiko Gizarte Erantzukizuneko Programan parte hartzen dugu.