“Pandemiaren ondoren normaltasunera itzuli den urtea izan da 2022a. Beharrezko prebentzio-neurriak ahaztu gabe, bi urteko alertak, konfinamenduak eta murrizketak atzean uzteko ilusioarekin ekin diogu aldiari. Urtean zehar, pertsonei laguntzen jarraitu dugu beren beharrak betetzen, bai lanekoak, bai prestakuntzakoak, hezkuntzakoak edo osasun fisiko eta mentalekoak. Horretarako, enplegurako prestakuntza-ekintza berriak garatu ditugu, eta ahalik eta gehien aprobetxatu ditugu lan-aukerak; arreta psikosozialeko zerbitzuak eta bizitza autonomorako baliabideak indartu ditugu; eta haurren eta nerabeen prestakuntza akademikoa eta hezkuntzaprozesuak babestu ditugu.
Eta susperraldiaren leitmotiv delakoarekin eta aurrera egiten jarraitzeko desio kolektiboarekin, egunetik egunera handiagoa den arrakala soziala murrizteko tresna berriak garatzeko beharrera bideratu gara.”
